संत गाडगेबाबा ग्राम स्वच्छता अभियानात 'श्रीरामपूर ग्रामपंचायत' ही विभागीयस्तरावरून द्वितीय क्रमांकाचे आठ लक्ष रुपयांचे रोख पारितोषिक व प्रमाणपत्र जाहीर...

   

नंदुरबार बुलेटिन -संत गाडगेबाबा ग्रामस्वच्छता अभियान सन 2020-21 व 2021-22 अंतर्गत राष्ट्रसंत तुकडोजी महाराज स्वच्छ ग्राम स्पर्धेत  श्रीरामपूर ता. नंदुरबार  या ग्रामपंचायतीस विभागस्तरीय द्वितीय  क्रमांकाचे बक्षीस जाहीर  झाले आहे .

        संत गाडगेबाबा ग्रामस्वच्छता अभियान सन 2020-21 व 2021-22 अंतर्गत जिल्हा परिषदेच्या अध्यक्षा डॉ.सुप्रिया गावीत  व मुख्य कार्यकारी अधिकारी रघुनाथ गावडे यांच्या मार्गदर्शनाखाली अभियानात उत्कृष्ट काम करणाऱ्या   ग्रामपंचायतीची जिल्हास्तरिय समितीने तपासणी  केली होती . या तपासणीत जिल्ह्यात प्रथम आलेल्या बामखेडा त. त. ता. शहादा व द्वितीय आलेल्या श्रीरामपूर ता. नंदुरबार  या ग्रामपंचायतीची  विभागस्तरावर राष्ट्रसंत तुकडोजी महाराज स्वच्छ ग्राम स्पर्धेकरीता निवड झाली होती .

विभागस्तरावरील विभागीय आयुक्त कार्यालय नाशिकचे  उपायुक्त (विकास)  मनोजकुमार चौधर यांच्या अध्यक्षतेखालील त्री सदस्यीय  समितीने या ग्रामपंचायतीची तपासणी केली होती . या समितीत विस्तार अधिकारी अनिल राणे , दीपक मोरे यांचा समावेश होता. यावेळी समितीने  शाळा , अंगणवाडी , सखी प्रेरणा भवन , हॅण्ड वाश स्टेशन , फुलपाखरू गार्डन , पिण्याचे पाण्याचे स्त्रोत , गोबर गॅस  घनकचरा व सांडपाणी व्यवस्थापन , स्माशनभूमी  आदी कामांची पाहणी केली होती .

         तपासणी समितीने प्रदान केलेल्या  गुणांच्या आधारे नाशिकचे विभागीय आयुक्त राधाकृष्ण गमे यांनी नुकताच विभागस्तरीय निकाल जाहीर केला असून यात  राष्ट्रसंत तुकडोजी महाराज स्वच्छ ग्राम स्पर्धेत श्रीरामपूर ता. जि . नंदुरबार या ग्रामपंचायतीस दुसऱ्या  क्रमांकाचे पारितोषिक जाहीर केले आहे . स्पर्धेत बोराडी ता. शिरपूर जि. धुळे यांना प्रथम तर गनेगाव ता . राहुरी  जि . अहमदनगर यांना तृतीय क्रमांक दिला आहे . श्रीरामपूर ग्रामपंचायतीस राष्ट्रसंत तुकडोजी महाराज स्वच्छ ग्राम स्पर्धेत  अंतर्गत  विभागस्तरावरून आठ लक्ष रुपयांचे रोख पारितोषिक व प्रमाणपत्र देऊन गौरविण्यात येणार आहे.

     ग्रामपंचायतीस मिळालेल्या या पुरस्काराबद्दल जिल्हा परिषेदेच्या अध्यक्षा डॉ.सुप्रिया गावीत  उपाध्यक्ष सुहास  नाईक , मुख्य कार्यकारी अधिकारी रघुनाथ गावडे , सर्व सन्मा . सभापती , अतिरिक्त मुख्य कार्यकारी अधिकारी प्रमोदकुमार पवार , प्रकल्प संचालक ( जि . ग्रा . वि . अ.) राजेंद्र पी पाटील , जलजीवन मिशनचे प्रकल्प संचालक जयवंत उगले, उपमुख्य कार्यकारी अधिकारी राजेंद्र पाटील , नंदुरबार पंचायत समितीचे गट विकास अधिकारी जयवंत उगले यांनी सरपंच यशवंत गांगुर्डे,उपसरपंच नीलेश अहिरे , पत्रकार सईद कुरेशी,  ग्रामसेविका रूपाली देवरे ,माजी सरपंच शत्रुघ्न गांगुर्डे  ग्रामपंचायत सदस्य व ग्रामस्थ तसेच फिनीश सोसायटी , डी. सी. एस . व बायफ या सामाजिक संस्थांनी  दिलेल्या योगदानाचे  कौतुक केले आहे.