नंदुरबार प्रतिनिधी : नंदुरबार जिल्हा वकील संघाच्या सन २०२६-२०२७ या वर्षाच्या कार्यकारिणीसाठी नुकतीच निवड प्रक्रिया पार पडली. यामध्ये अ‍ॅडव्होकेट जमील पठान यांची सचिव (सेक्रेटरी) पदावर बहुमताने निवड करण्यात आली आहे. त्यांच्या या निवडीबद्दल सर्व स्तरांतून कौतुक होत असून, त्यांचे अभिनंदन केले जात आहे.
अ‍ॅड. जमील पठान यांच्या निवडीचे वृत्त समजताच नंदुरबार शहराचे समाजसेवक मुजम्मील हुसैन यांनी त्यांची भेट घेतली. यावेळी मुजम्मील हुसैन यांच्या हस्ते अ‍ॅड. पठान यांना पुष्पगुच्छ देऊन व शाल परिधान करून त्यांचा जाहीर सत्कार करण्यात आला आणि पुढील वाटचालीस शुभेच्छा देण्यात आल्या.
अ‍ॅड. जमील पठान यांची निवड ही त्यांच्या वकिली क्षेत्रातील कार्याची पावती आहे. त्यांच्या मार्गदर्शनाखाली जिल्हा वकील संघाचे काम अधिक प्रभावीपणे चालेल आणि वकिलांचे प्रश्न सुटण्यास मदत होईल, असा विश्वास यावेळी समाजसेवक मुजम्मील हुसैन यांनी व्यक्त केला.
या सत्कार प्रसंगी शहरातील अनेक मान्यवर, मित्र आणि विविध समाजातील नागरिक मोठ्या संख्येने उपस्थित होते. अ‍ॅड. जमील पठान यांनी या निवडीबद्दल जिल्हा वकील संघाच्या सर्व सदस्यांचे आणि हितचिंतकांचे आभार मानले आहेत.
0 Comments